हरिपाठ
भजन- जय जय रामकृष्ण हरी
ध्यानाचा अभंग-
सुंदर ते ध्यान उभे विटेवरी | कर कटावरी ठेवूनिया ||1||
मकर कुंडले तळपती श्रवणी | कंठी कौस्तुभ मणी विराजित ||2||
तुळशी हार गळा कासे पिंताबर | आवडे निरंतर हेचि ध्यान ||3||
तुका म्हणे माझे हेचि सर्व सुख | पाहिन श्रीमुख आवडीने ||4||
देवाचिये द्वारी उभा क्षणभरी | तेने मुक्तिचारी साधियेल्या ||1||
हरिमुखे म्हणा हरिमुखे मणा | पुण्याची गणना कोण करी ||2||
असोनि संसारी जिव्हे वेगु करी | वेदशास्त्र उभारी बाह्या सदा ||3||
ज्ञानदेव म्हणे व्यासाचिये खुणा | द्वारकेचा राणा पांडवा घरी ||4||

चहुं वेदी जाण साही शास्त्री कारण | अठाराहि पुराणे हरिसी गाती ||1||
मंथुनी नवनीता तैसे घे अनंता | वायां व्यर्थ कथा सांडी मार्ग ||2||
एक हरि आत्मा जीवशिवसमा | वाया तू दुर्गमा न घाली मन ||3||
ज्ञानदेवा पाठ हरि हा वैकुंठ | भरला घनदाट हरि दिसे ||2||

त्रिगुण असार निर्गुण हें सार | सारासार विचार हरिपाठ ||1||
सगुण-निर्गुण गुणांचे अगुण | हरिविणे मन व्यर्थ जाय ||2||
अव्यक्त निराकार नाहीं त्या आकार | जेथोनी चराचर हरिसी भजे ||3||
ज्ञानदेवा ध्यानी रामकृष्ण मनीं | अनंत जन्मोनी पुण्य होय ||3||

भावेवीण भक्ति भक्तिविण मुक्ति | बळेवीण शक्ति बोलूं नये ||1||
कैसेनि दैवत प्रसन्न त्वरित | उगा राहे निवांत शिणसी वायां ||2||
सायासे करीसी प्रपंच दिनदिशीं | हरीसी न भजसी कोण्या गुणें ||3||
ज्ञानदेव म्हणे हरिजप करणें | तुटेल धरणे प्रपंचाचें ||4||

योगयाग विधि येंणें नोहे सिद्धि | वायांचि उपाधि दंभधर्म ||1||
भावेविण देव न कळे नि संदेह | गुरूवीण अनुभव कैसा कळे ||2||
तपेवीण दैवत दिधल्यावीण प्राप्त | गुजेवीण हित कोण सांगे ||3||
ज्ञानदेव सांगे दृष्टांतांची मात | साधूचे संगती तरणोपाय ||5||

साधुबोध झाला तो नुरोनियां ठेला | ठाईच मुराला अनुभव ||1||
कापुराची वाती उजळली ज्योती | ठायींच समाप्ती झाली जेैसी ||2||
मोक्षरेखे आला भाग्यंंे विनटला | साधूंचा अंकिला हरिभक्त ||3||
ज्ञानदेवा गोडी संगती सज्जनी | हरि दिसे जनी वनीं आत्मतत्वी ||6||

पर्वताप्रमाणें पातक करणें | वज्रलेप होणे अभक्तांसी ||1||
नांही ज्यासी भक्ती ते पतित अभक्त | हरिसी न भजत दैवहत ||2||
अनंत वाचाळ बरळती बरळ | त्या कैचा दयाळ पावे हरि ||3||
ज्ञानदेवा प्रमाण आत्मा हा निधान | सर्वाघटीं संपूर्ण एक नांदे ||7||

संताचे संगती मनोमार्ग गती | आकळावा श्रीपती येणें पंथे ||1||
रामकृष्ण वाचा भाव हा जीवाचा | आत्मा जो शिवाचा राम जप ||2||
एकतत्व नाम साधिती साधन | द्वैताचे बंधन न बाधिजे ||3||
नामामृत गोडी वैष्णवा लाधिली | योगिया साधली जीवनकळा ||4||
सत्वर उच्चार प्रल्हादी बिंबला | उद्धवा लाधला कृष्णदाता ||5||
ज्ञानदेव म्हणे नाम हे सुलभ | सर्वत्र दुर्लभ विरळा जाणें ||8||

विष्णुवीण जप व्यर्थ त्यांचे ज्ञान | रामकृष्णीं मन नाहीं ज्याचें ||1||
उपजोनि करंटा नेणे अद्वैत वाटा | रामकृष्णी पैठा कैसिनि होय ||2||
द्वैताची झाडणी गुरूवीण ज्ञान | तया कैचें कीर्तन घडेल नामीं ||3||
ज्ञानदेव म्हणे सगुण हें ध्यान | नामपाठ मौन प्रपंचाचें ||9||

भजन- रामकृष्ण हरी जयजय रामकृष्ण हरी ||
त्रिवेणी संगमी नाना तीर्थै भ्रमी | चित्त नाही नामी तरि ते व्यर्थ ||1||
नामासी विन्मुख तो नर पापिया | हरीवीण धावंया न पवे कोणी ||2||
पुराण प्रसिद्ध बोलिले वाल्मिक | नामें तिन्ही लोक उद्धरती ||3||
ज्ञानदेव म्हणे नाम जपा हरिचे | परंपरा त्याचे कुळ शुद्ध ||10||

हरि उच्चारणी अनंत पापराशी | जातील लयाशी क्षणमात्रें ||1||
तृण अग्निमेळे समरस झालें | तैसे नामे केले जपता हरी ||2||
हरी उच्चारण मंत्र हा अगाध | पळे भुत बाधा भेणें तेथे ||3||
ज्ञानदेव म्हणे हरी माझा समर्थ | न करवे अर्थ उपनिषदां ||11||

तीर्थ व्रत नेम भावेविण सिद्धि | वायांचि उपाधि करिसी जना ||1||
भावबळें आकळे येरव्ही नाकळें | करतळीं आवळें तैसा हरि ||2||
पारियाचा रवा घेतां भूमीवरी | यत्न परोपरी साधन तैसें ||3||
ज्ञानदेव म्हणे निवृत्ति निर्गुण | दिधले संपूर्ण माझ्या हाती ||12||

समाधी हरीची समसुखेंवीण | न साधेल जाण द्वैतबुद्धि ||1||
बुद्धीचें वैभव अन्य नांहीं दुजें | एका केशवराजे सकळ सिद्धी ||2||
ऋद्धि सिद्धि निधी अवघीच उपाधि | जवं त्या परमानंदीं मन नाहीं ||3||
ज्ञानदेवी रम्य रमलें समाधान | हरींचे चितंन सर्व काळ ||13||

नित्य सत्य मित हरिपाठ ज्यासी | कळिकाळ त्यासी न पाहे दृष्ठी ||1||
रामकृष्णीं वाचा अनंतराशी तप | पापाचे कळप पळती पुंढें ||2||
हरि हरि हरि मंत्र हा शिवाचा | म्हणती जे वाचा तयां मोक्ष ||3||
ज्ञानदेवा पाठ नारायण नाम | पाविजे उत्तम निजस्थान ||14||
एक नाम हरी द्वैतनाम दूरी | अद्वैतकुसरी विरळा जाणें ||1||
समबुद्धी घेतां समान श्री हरी | शमदमांवरी हरि झाला ||2||
सर्वाघटीं राम देहा देहीं एक | सूर्यप्रकाशक सहस्त्ररश्मी ||3||
ज्ञानदेवा चित्तीं हरिपाठ नेमा | मागलिया जन्मा मुक्त झालो ||15||

हरिनाम जपें तो नर दुर्लभ | वाचेंसी सुलभ राम कृष्ण ||1||
रामकृष्ण नामीं उन्मनी साधली | तयासी लाधली सकळ सिद्धी ||2||
सिद्धी बुद्धी धर्म हरीपाठीं आले | प्रपंची निमाले साधुसंगे ||3||
ज्ञानदेवीं नाम रामकृष्ण ठसा | तेणें दशदिशा आत्माराम ||16||

हरिपाठकीतिर्े मुखें जरी गाय | पवित्रचि होय देह त्याचा ||1||
तपाचें सामर्थ्ये तपिन्नला अमूप | चिरंजीव कल्प वैंकुठी नांदे ||2||
मातू-पितृ भ्राता सगोत्र अपार | चतुर्भुज नर होऊनि ठेले ||3||
ज्ञान गूढगम्य ज्ञानदेवा लाधलें | निवृत्तीने धिलें माझ्या हातीं ||17||

हरिवंशपुराण हरिनाम संकीर्तन | हरिविण सौजन्य नेंेणे काहीं ||1||
त्या नरा लाधलें वैकुंठ जोडलें | सकळही घडलें तीर्थाटण ||2||
मनोमार्गे गेला तों तेंथे मुकला | हरिपाठीं स्थिरावला तोचि धन्य ||3||
ज्ञानदेवा गोडी हरिनामाची जोडी | रामकृष्णीं आवडी सर्वकाळ ||18||

वेदशाश्त्रपुराण श्रुतींचे वचन | एक नारायण सार जप ||1||
जप तप कर्म हरीविण धर्म | वाउगाचि श्रम व्यर्थ जाय ||2||
हरिपाठीं गेले ते निवांतची ठेले | भ्रमर गुंतले सुमनकळिंके ||3||
ज्ञानदेवीं मंत्र हरिनामाचे शस्त्र | यमे कुळगोत्र वर्जियेलें ||19||

नामसंकीर्तन वैष्णवांची जोडी | पापें अनंत कोटी गेलीं त्यांची ||1||
अनंत जन्मांचे तप एक नाम | सर्व मार्ग हरिपाठ ||2||
योग याग क्रिया धर्माधर्म माया | गेले ते विलया हरिपाठीं ||3||
ज्ञानदेवीं या याग क्रिया धर्म | हरिविण नेम नाहीं दुजा ||20||

काळ वेळ नाम उच्चारितां नाहीं | दोन्ही पक्ष पाहीं उद्धरती ||1||
रामकृष्ण नाम सर्व दोषां हरण | जडजीवा तारण हरि एक ||2||
हरिनाम सार जिव्हा या नामाची उपमा त्या देवाची कोण वाणी ||3||
ज्ञानदेवा सांग झाला हरिपाठ | पूर्वजा वैकुंठ मार्ग सोपा ||21||

नित्यनेम नामीं ते प्राणी दुर्लभ | लक्ष्मीवल्लभ तयांजवळी ||1||
नारायण हरि नारायण हरि | भुक्ती मुक्ती चारी घरी त्यांच्या ||2||
हरिवीणे जन्म नर्कचि पैं जाणा | यमाचा पाहुणा प्राणी होय ||3||
ज्ञानदेव पुसे निवृत्तीसी चाड | गगनाहुनि वाड नाम आहे ||22||

सात पांच तीन दशकांचा मेळा | एक तत्वीं कळा दावी हरि ||1||
तैसें नव्हें नाम सर्वत्र वरिष्ठ | तेथे कांहीं कष्ठ न लागती ||2||
अजपा जपणें उलट प्राणाचा | तेथेंही मनाचा निर्धारू असे ||3||
ज्ञानदेवा जिणें नामेविणं व्यर्थ | रामकृष्णीं पंथ क्रमियेला ||23||

जप तप कर्म क्रिया नेमधर्म | सर्वांघटीं राम भाव शुद्ध ||1||
न सोडीं हा भावो टाकी रे संदेहो | रामकृष्ण टाहो नित्य फोडी ||2||
जात वित्त कुळ शीळ मात | भजेका त्वरित भावनायुक्त ||3||
ज्ञानदेवा ध्यानीं रामकृष्ण मनीं | वैकुंठभुवनीं घर केलें ||24||

जाणीव नेणीव भगवंतीं नाहीं | हरि उच्चारणीं पाहीं मोक्ष सदा ||1||
नारायण हरि उच्चार नामाचा | तेणें कळिकाळाचा रीघ नाहीं ||2||
तेथील प्रमाण नेणवे वेदांसी | तें जीवजंतूसी केंवि कळे ||3||
ज्ञानदेवा फळ नारायण पाठ| सर्वत्र वैकुंठ केलें असे ||25||

एक तत्व नाम दृढ धरीं मना | हरीसी करूणा येईल तुझी ||1||
तें नाम सोपें रे रामकृष्ण गोविंद | वाचेशीं सद्गद जपा आधीं ||2||
नामापरतें तत्व नाहीं रे अन्यथा | वायां आणिक पंथा जाशी झणीं ||3||
ज्ञानदेव नाम जपमाळ अंतरी | धरोनि श्रीहरि जपें सदा ||26||

सर्व सुख गोडी साही शस्त्रं निवडीं | रिकामा अर्धघडी राहूं नको ||1||
लटिका व्यवहार सर्व हा संसार | वायां येरझार हरिवीण ||2||
नाममंत्र जप कोटी जाईल पाप | रामकृष्णीं संकल्प धरूनी राहे ||3||
निजवृत्ती काढीं सर्व माया तोंडीं | इंद्रिया सवडी लपू नको ||4||
तीर्थी व्रतीं भाव धरी रे करूणा | शांति दया पाहुणा हरि करी ||5||
ज्ञानदेवा प्रमाण निवृत्तिदेवी ज्ञान | समाधी संजीवन हरिपाठ ||27||