श्री.विठ्ठल रुक्मिणी मंदिरे समिती, पंढरपूर. जि. सोलापूर

श्री.विठ्ठल रुक्मिणी मंदिर समिती कार्यालय, तुकाराम भवन, पंढरपूर निवास संपर्क क्र.:-(०२१८६)२२४४६६,इमेल :-eotemple@gmail.com
आषाढी यात्रा २०२१
आषाढी एकादशी निमित्त मुख्यमंत्री उद्धव ठाकरे व सौ.रश्मी ठाकरे यांच्या हस्ते श्री. विठ्ठल-रुक्मिणीची शासकीय महापुजा करण्यात आली. यावेळी पर्यावरण मंत्री आदित्य ठाकरे, पालकमंत्री दत्तात्रय भरणे, पंढरपूरच्या नगराध्यक्ष साधना भोसले, मंदिरे समितीचे सहअध्यक्ष गाहिनाथ औसेकर, व इतर सर्व सदस्य उपस्थित होते.मानाचे वारकरी विणेकरी केशव शिवदास कोलते, जि. वर्धा (वय ७१ वर्ष) यांचा मुख्यमंत्री उद्धव ठाकरे यांच्या हस्ते तर सौ. रश्मी ठाकरे यांच्या हस्ते सौ. इंदुबाई केशव कोलते (वय ६६ वर्ष) यांचा सत्कार करण्यात आला. त्यांना महाराष्ट्र राज्य मार्ग परिवहन मंडळाच्यावतीने मानाचे वारकरी या नात्याने देण्यात येणाऱ्या एक वर्षाचा मोफत पास मुख्यमंत्री श्री. ठाकरे यांच्या हस्ते सुपूर्द करण्यात आला
कार्तिकी यात्रा २०२१
कार्तिकी एकादशीनिमित्त सोमवारी पहाटे श्री विठ्ठल- रुक्‍मिणीची शासकीय महापूजा उपमुख्यमंत्री अजित पवार आणि त्यांच्या पत्नी सुनेत्रा पवार यांच्या हस्ते करण्यात आली. दर्शन रांगेतील कोंडीबा देवराव टोणगे (वय 58) आणि त्यांच्या पत्नी प्रयागबाई कोंडीबा टोणगे (वय 55, राहणार मु. निळा, पो. सोनखेड, ता. लोहा, जिल्हा नांदेड) या दाम्पत्यास वारकरी प्रतिनिधी म्हणून महापूजेच्या वेळी उपस्थित राहण्याचा मान मिळाला. शेतकरी असलेले हे दाम्पत्य गेली तीस वर्षे सलग पंढरीच्या वारीसाठी येत आहे. महापूजेनंतर मंदिर समितीच्या वतीने उपमुख्यमंत्री अजित पवार, सौ. पवार तसेच वारकरी प्रतिनिधीचा मान मिळालेल्या टोणगे दाम्पत्याचा सत्कार करण्यात आला. याप्रसंगी पालकमंत्री दत्तात्रय भरणे, मंदिर समितीचे सह अध्यक्ष मा. गहिनीनाथ महाराज औसेकर व इतर सर्व सदस्य उपस्थित होते.
वार्षिक उत्सव
पारंपारिक सन व उत्सव
श्री. विठ्ठल रुक्मिणी मंदिरा मध्ये भेटी दिलेले इतर मान्यवर